2020 թվականին Պերմ-Երևան ավիաչվերթներ կբացվեն

Արդեն մյուս տարվա հունվարից ցանկացողներն ուղիղ չվերթով կարող են Պերմից Երևան թռչել: Որպես փոխադրող ընկերություն հանդես կգա «Իկար» ավիաընկերությունը: Առաջին 5 չվերթները նախատեսված են 2020 թվականի հունվարի 19-ից մարտի 5-ն ընկած ժամանակահատվածում, հայտնում է gorod342.ru կայքը:

Դեպի Հայաստանի մայրաքաղաք չվերթները կիրականացվեն Embraer օդանավերով: Տոմսեր դեռևս չկան, սակայն զբոսաշրջային ընկերություններից արդեն հնարավոր է տուր ձեռք բերել: Առաջին թռիչքը նախատեսված է հունվարի 19-ին:

Պերմից բոլոր թռիչքները կիրականացվեն երկու շաբաթը մեկ անգամ` կիրակի օրերին, տեղական ժամանակով ժամը 07:20-ին: Թռիչքը կտևի 3 ժամ 25 րոպե: Ինքնաթիռը Երևան կժամանի տեղական ժամանակով ժամը 09:45-ին: Տոմսերի գինը դեռևս անհայտ է:

Վերադարձի թռիչքները նույնպես հունվարի 26-ից սկսած կիրականացվեն կիրակի օրերին` երկու շաբաթը մեկ անգամ: Օդանավը Երևանից տեղական ժամանակով ժամը 23:10-ին կմեկնի և Պերմ կժամանի տեղական ժամանակով 03:30-ին: Վերադարձի թռիչքը կտևի 3 ժամ 20 րոպե: