Թուրքական զորքերը մտել են Սիրիայի քրդական շրջաններ

Թուրքական զորքերի պահակախումբը մի քանի ուղղաթիռների աջակցությամբ մտել է սիրիական Ջարաբլուս քաղաք, որը գտնվում է քրդաբնակ շրջանում: Այդ մասին հաղորդում է Ինտերֆաքսը՝ հղում անելով Press TV հեռուստաալիքին:

Հաղորդագրությունում չի նշվում, թե ինչ նպատակով են թուրք զինվորականները մտել Սիրիայի տարածք: Այս տեղեկատվությունն այլ աղբյուրներից առայժմ չի հաստատվել:

Հարկ է նշել, որ Թուրքիայի ղեկավարությունը բազմիցս հայտարարել է, թե թույլ չի տա Սիրիայում Քրդական աշխատանքային կուսակցության բազաներ ստեղծել: