«Սպեղանի» երգչախմբի փայլուն ելույթները Վիեննայի լավագույն բեմահարթակներում

ՀՀ մշակույթի նախարարության, Վիեննայում ՀՀ դեսպանության, Ավստրիայում Հայ բարեգործական ընդհանուր միության, Վիեննայի Հայ Առաքելական եկեղեցական վարչության աջակցությամբ ս. թ. հուլիսի 30-ից օգոստոսի 2-ը Վիեննայում կայացել է Համաշխարհային խաղաղության փառատոն, որին Չինաստանի, Ռուսաստանի, Ռումինիայի, Ավստրիայի և Էստոնիայի երգչախմբերի հետ մասնակցել է նաև Հայաստանի «Սպեղանի» երիտասարդական երգչախումբը: Փառատոնին «Սպեղանի» երգչախումբը հանդես է եկել Կոմիտասի շարականների, Վ. Շարաֆյանի և Ե. Երկանյանի ստեղծագործությունների փայլուն կատարումներով: Հանդես գալով Վիեննայի լավագույն համերգային բեմահարթակներում՝ քաղաքապետարանում, Շյոնբրունում, Վիեննայի ՄԱԿ-ի կենտրոնակայանում և Եվրոպայում ամենահայտնի երաժշտական սրահներից մեկում՝ «Մյուզիկֆերայնում», «Սպեղանի» երգչախումբն իր բարձր կատարողական վարպետության և ինքնատիպության շնորհիվ արժանացել է փառատոնի ժյուրիի հիացմունքին և բարձր գնահատականին. հայկական երգչախմբին շնորհվել է հատուկ մրցանակ և դափնեգիր: Այնուհետև, «Սպեղանի» երգչախումբն առանձին համերգով հանդես է եկել Հունգարիայի Դյոր քաղաքի թանգարանի սրահում: