Իսրայելը արդիականացրել է հակահրթիռային համակարգը

Իսրայելը արդիականացրել է իր բանակի` Ցախալի սպառազինությունում գտնվող "Աղեղ-2" հակահրթիռային համակարգը` Իրանի և Սիրիայի հնարավոր հարձակումներին ավելի արդյունավետորեն դիմակայելու համար: Այդ մասին հաղորդում է Associated Press-ը:

Այսպիսով, երկրի հակաօդային համակարգը զինված է նոր ռադարներով և կառավարման համակարգերով: Արդիականացված համակարգը կկարողանա խոցել հակառակորդի հրթիռները մինչև 300 կմ հեռավորության վրա: Այն արդեն կկարողանա ոչնչացնել Սիրիայի, «Հզբոլլահի» և Իրանի սպառազինության մեջ գտնվող ամենաարդի բալիստիկ հրթիռները` M600-ը, «Shihab»-ը, «Skad»-ը և «Fatah-110»-ը:

«Աղեղ-2»-ը նախատեսված է հեռահար բալիստիկ հրթիռների խոցման համար: Այն Իսրայելի հակահրթիռային պաշտպանության երկու հիմնական բաղադրիչներից մեկն է: Մյուս բաղադրիչը «Երկաթե գմբեթ»-ն է, որը նախատեսված է փոքր տրամաչափի հրթիռների և արկերի ոչնչացման համար: