Ընդդեմ բռնության բողոքի ակցիաներ՝ Աֆղանստանում

Աֆղանստանի արևմուտքում գտնվող Հերատ նահանգում 2-րդ օրն է շարունակվում են բողոքի ակցիաները՝ ընդդեմ տարածաշրջանում բռնությունների և մարդկանց առևանգման դեպքերի աճող տեմպերի։ Վերոհիշյալ նահանգի բնակավայրերում բազմաթիվ խանութներ ու գրասենյակներ դեռևս մնում են փակ։

Ավելի վաղ տեղի ոստիկանությունը հայտնել էր, որ վերջին 4 ամիսների ընթացքում ձերբակալվել է 64 անձ՝ մարդկանց առևանգելու կասկածանքով։

Երկրի ՆԳ նախարարն արդեն ժամանել է Հերատ խնդիրը լուծելու համար՝ խոստանալով ձեռնարկել անհրաժեշտ միջոցներ։

Մարդկանց առևանգումները, որոնք իրականացվում են զինված խմբավորումների կողմից փրկագին ստանալու ակնկալիքով, վերջին շրջանում դարձել են աֆղանական հասարակությանը հուզող կարևորագույն խնդիրներից մեկը։