Թեհրանում կործանված ուկրաինական ինքնաթիռը խոցվել է Իրանի կողմից. NYT-ը տեսանյութ է հրապարակել

The New York Times-ը տեսանյութ է հրապարակել, որում Թեհրանի օդանավակայանի վերևում Ուկրաինայի միջազգային ավիաուղիներին պատկանող Boeing 737-800-ը խոցվում է Իրանից արձակված հրթիռի կողմից:

Հրապարակված կադրերում երևում, թե ինչպես է հարվածից փոքր պայթյուն տեղի ունենում, բայց օդանավը չի պայթում: Այն շարունակում է թռչել մի քանի րոպե, ապա շրջվում է դեպի օդանավակայան:

Ուկրաինական կողմն այսօր ավելի վաղ հայտարարել էր, որ ստուգումեր է կատարում՝ պարզելու, թե արդյո՞ք ինքնաթիռի անկման պատճառը հրթիռից ստացված հարվածն է եղել, սակայն Իրանը բացառել է դա:

Հիշեցնենք, որ հունվարի 8-ին Թեհրանում օդ բարձրանալուց րոպեներ անց ընկել է 176 ուղևորի տեղափոխող ինքնաթիռը, օդանավում գտնվող բոլոր մարդիկ զոհվել են:

Տեսանյութը՝ այստեղ