«Sinaloa» մեքսիկական նարկոկարտելի վերջին թունելը բացահայտված է. «Los Angeles Times»

Վերջին շաբաթվա ընթացքում ԱՄՆ դաշնային հետախուզական ծառայության աշխատակիցներին հաջողվել է բացահայտել Մեքսիկայից Կալիֆորնիայի նահանգ թմրանյութեր ներմուծած մեքսիկական նարկոկարտելի վերջին գաղտնի թունելը, որտեղ հայտնաբերվել է 32 տոննա թմրանյութ։

Այս թունելը երկար տարիներ ծառայել է մեքսիկական թմրաբիզնեսի առևտրով զբաղվող «Sinaloa» հայտնի նարկոկարտելին։ Թունելն ունեցել է բոլոր պայմանները թմրանյութերն անվտանգ ճանապարհով Միացյալ Նահանգների սահմանն անցկացնելու համար։ Ոստիկանության կողմից թունելը հայտնաբերելու գործողությունների ժամանակ ձերբակալվել են թունելում աշխատող վեց մարդ, ովքեր թունելում կառուցված գնացքի գծերի վրա աշխատող փոխադրամիջոցով Մեքսիկայից Միացյալ նահանգների սահման տեղափոխելիս են եղել չորս տոննա մարիխուանա։ Ոստիկանությունը հույս է հայտնել, որ այս վերջին թունելի բացահայտումը կարող է նպաստել մեքսիկական այս նարկոկարտելի ներմուծած թմրանյութերի ամբողջական պատկերի ձևավորմանը։