ՊԵԿ-ը չի թիրախավորել փաստաբաններին․ ցանկացած ոլորտում ստուգումներ արվում են
Տնտեսություն
Մենք կոնկրետ չենք թիրախավորել փաստաբանական ոլորտը։ Այս մասին այսօր լրագրողների հետ զրույցում ասաց ՊԵԿ նախագահ Դավիթ Անանյանը՝ անդրադառնալով հարցին, թե արդյոք ՊԵԿ-ը ստուգումներ իրականացրել է փաստաբանական ոլորտում և ինչի՞ց է առաջացել դրա անհրաժեշտությունը։
«Ցանկացած ոլորտի վերաբերյալ վերլուծություններ մենք իրականացնում ենք, հետևաբար, բացառություն չէ նաև այդ ոլորտը։ Բայց, որ տվյալ ոլորտում թիրախավորված հարկային հսկողություն ենք իրականացնում, դրա վերաբերյալ հերքումը, կարծեմ, հրապարակել ենք»,- ասաց Անանյանը։
Նա նշեց, որ վերահսկողություն բոլոր ոլորտներում միշտ իրականացվում է, սակայն ժամանակ առ ժամանակ ավելի արդյունավետ։
Ավելի վաղ, մամուլում հրապարակում եղավ այն մասին, որ ՊԵԿ-ը մտել է ՀՀ փաստաբանների գրասենյակներ և ստուգում է փաստաբանների գործունեությունը՝ փորձելով պարզել, թե վերջիններս ինչ աշխատանքներ են արել, ինչ գործեր են քննել, ում շահերն են պաշտպանել և այդ ծառայությունների դիմաց որքան գումար են ստացել:
Ամենադիտված 
Մնաս բարյավ. Րաֆֆի Հովհաննիսյան
