Amnesty International-ը Սիրիայի հարցով հայտարարություն է տարածել
Մերձավոր Արևելք
Amnesty International միջազգային իրավապաշտպան կազմակերպությունն իր մտահոգությունն է հայտնել Հալեպի բնակչության վիճակի մասին:
«Հալեպից և հարակից շրջաններից ստացված արբանյակային պատկերները ցույց են տալիս, որ զգալիորեն մեծացել է ծանր զրահատեխնիկայի կիրառումը, այդ թվում՝ բնակելի թաղամասերում: Խիստ մտահոգություն ենք հայտնում սիրիական պաշարված քաղաքում անխուսափելի բռնությունների վերաբերյալ: Սիրիայի ամենախիտ բնակեցված քաղաքը մարտադաշտի վերածելը կործանարար հետեւանքներ կունենա քաղաքացիների համար»,– ասված է հայտարարությունում։
Իրավապաշտպան կազմակերպությունը նաև նշվում է, որ Հալեպի մոտակա Անադան քաղաքում հրետանու կիրառությունից առաջացած ավելի քան 600 «ձագար» կա: Ըստ Amnesty International-ի՝ դա կարող է մարդու իրավունքների հետագա ոտնահարումների և միջազգային իրավունքի լրջագույն խախտումների հանգեցնել:
«Amnesty International-ը հստակ ուղերձ է հղում հակամարտության երկու կողմերին էլ. խաղաղ բնակչության դեմ ցանկացած հարձակում անխուսափելիորեն կարձանագրվի, որպեսզի մեղավորներին հնարավոր լինի պատասխանատվության ենթարկել»,– ասվում է հայտարարությունում։
Կազմակերպությունը խոստանում է հետևել Հալեպի զարգացումներին, այդ թվում՝ արբանյակային պատկերների միջոցով, և արձանագրել մարդու իրավունքների ոտնահարման դեպքերը:
ՈՒՂԻՂ ԵԹԵՐ
Ամենադիտված 
ՀՀ ՊՆ–ն հայտարարություն է տարածել
