Սիրիայում «սպանված» ռուս գեներալը ողջ-առողջ գտնվել է Մոսկվայում

Ինչպես արդեն հայտնել էինք, այսօր միջազգային մամուլը հայտարարել էր, որ Սիրիայում սպանվել է երկրի պաշտպանության նախարարի խորհրդական, ռուս գեներալ Վլադիմիր Կոջիևը: Սակայն, «Ինտերֆաքս»-ի հաղորդմամբ, գեներալ-մայորը այժմ ողջ-առողջ գտնվում է Մոսկվայում:

Գործակալության աղբյուրի հավաստիացմամբ, գեներալ-մայոր Վլադիմիր Կոջիևը իրոք եղել է Սիրիայի պաշտպանության նախարարի խորհրդականը, սակայն, վերջերս նա ազատվել էր պաշտոնից և վերադարձել էր Ռուսաստան:

Գեներալը Ռիա-Նովոստիի հետ զրուցում ասել է. «Զուտ մարդկայնորեն ինձ դա տհաճ է: Որպես գեներալ, ես գիտակցում եմ, որ դա պրովոկացիա է ոչ միայն իմ նկատմամբ, այլև իմ հայրենիքի»:

Գեներալի սպանության մասին հաղորդել էր «Ալ-Արաբիա» հեռուստաընկերւոյթունը, որը հերարձակել էր տեսահոլովակ, որում Սիրիացի ընդդիմադիրները ցուցադրում են Վլադիմիր Կոջիևի և իր անձնական թարգմանչի փաստաթղթերը՝ պնդելով, թե Կոջիևը սպանված է: