Ինչպե՞ս են արտացոլվել միլիոնների պարգևատրումները Երևանի թաղապետերի հայտարարագրերում
Վերլուծական
Երևան քաղաքի վարչական շրջանների ղեկավարների աշխատանքին մամուլը հազվադեպ է անդրադառնում, թերևս այն պատճառով, որ լուսաբանելու ոչինչ չկա: Թավշյա թաղապետերի անունները հնչում են լրատվամիջոցներում միայն ու միայն աշխատավարձերի բարձրացման և պարգևատրումների մասին լուրերը հայտնելիս: Իսկ թե հատկապես ո՞ր տիտանական աշխատանքի դիմաց են Երևանի վարչական շրջանների ղեկավարներն ստանում ավելի շատ գումար, քան ՀՀ ԱԺ պատգամավորները՝ մնում է կռահել: Սակայն, մի բան ամեն դեպքում ուշագրավ է. 2018-ին Երևանի քաղաքապետարանի և Երևան քաղաքի վարչական շրջանների ղեկավարների աշխատակազմերին դրամական պարգևատրում տրամադրելու նպատակով հատկացվել է ընդհանուր 474.097.560 դրամ գումար, և դրամական պարգևատրմամբ խրախուսվել է ընդհանուր թվով 1628 աշխատակից
2019-ի երկրորդ եռամսյակում միայն Երևանի վարչական բոլոր 12 շրջանների ղեկավարները՝ թաղապետերը, պարգևատրվել են 840.000-ական դրամներով։ Ընդհանուր կազմել է 10.080.000 դրամ։ Սակայն, արդյո՞ք թաղապետերի՝ պաշտոնը ստանձնելու պահի և տարեկան հայտարարագրերի մեջ այդ եկամուտների աճը ֆիքսվել է: Օրինակ, Արաբկիր վարչական շրջանի ղեկավար Արամ Դանիելյանը պաշտոնն ստանձնելու պահի դրությամբ հայտարարգրել էր 3,105,645.00 ՀՀ դրամի եկամուտ, մեկ տարի անց վերջինիս եկամուտը կազմել է՝ 4,155,590.00 ՀՀ դրամ: Երևանի Նուբարաշեն վարչական շրջանի ղեկավար Թելման Թադևոսյանի եկամուտները երկու դեպքում էլ չեն փոխվել և մնացել են նույնը՝ 440 հազար դրամ: Երևանի Մալաթիա-Սեբաստիա վարչական շրջանի ղեկավար Դավիթ Կարապետյանի եկամուտները մեկ տարի անց դեռ մի բան էլ նվազել են: Եթե պաշտոնը ստանձնելու պահի դրությամբ պաշտոնյան հայտարարագրել էր 17,600,000.00 դրամ, ապա մեկ տարի անց Հայտարարատու պաշտոնատար անձի եկամուտները հարկային տարում կազմել են ընդամենը 12,000,000.00 ՀՀ դրամ:
Պարզ մաթեմատիկան և տրամաբանությունը հուշում են, որ եթե պաշտոնյայի եկամուտները աճում են՝ միանգամայն օրինական կերպով, ի դեպ, ապա այդ եկամուտների աճը պետք է այս կամ այն չափով ֆիքսվի նաև վերջինիս հայտարարագրում: Նման մոտեցումը ակնկալվում էր հատկապես նոր իշխանություններից, որոնք հեղափոխությունն իրագործեցին հենց պետական կառավարման համակարգում մաքսիմալ թափանցիկության ապահովման կարգախոսների ներքո: Եթե պաշտոնյայի աշխատավարձը կտրուկ աճում է, եթե նա տարվա ընթացքում պարբերաբար մի քանի միլիոնի պարգևատրում է ստանում, ապա առնվազն տարօրինակ է, որ հարկային տարվա կտրվածքով վերջինիս եկամուտները շեշտակի նվազում են…
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
