Երևան-Սանկտ Պետերբուրգ՝ համագործակցության մեծ հեռանկարներ
Աշխարհ
Երևանի քաղաքապետարանի աշխատակազմի քարտուղար Վահե Ստեփանյանն այսօր հանդիպել է աշխատանքային այցով Երևանում գտնվող՝ Սանկտ Պետերբուրգի արտաքին կապերի կոմիտեի նախագահի առաջին տեղակալ Անդրեյ Պետրուկի գլխավորած պատվիրակության անդամներին:
Նշելով, որ Երևանի և Սանկտ Պետերբուրգի միջև բարեկամական և գործընկերային հարաբերությունները որակապես նոր փուլ են թևակոխել և մեծ հեռանկար ունեն, քաղաքապետարանի աշխատակազմի քարտուղարն Անդրեյ Պետրուկին նաև շնորհակալություն է հայտնել՝ այս տարվա հուլիսին Երևանի քաղաքապետի գլխավորած պատվիրակությանը Սանկտ Պետերբուրգում ջերմ ընդունելու համար:
Անդրադառնալով Երևան կատարած գործնական այցին` Սանկտ Պետերբուրգի պատվիրակության ղեկավար Անդրեյ Պետրուկը շնորհակալություն է հայտնել՝ ջերմ ընդունելության, աշխատանքային լավագույն պայմաններ ապահովելու համար և նշել, որ արդեն մի քանի ուղղություններով, մասնավորապես, զբոսաշրջության և կապիտալ շինարարության ոլորտներում, գործնական պայմանավորվածություններ են ձեռք բերվել:
Նաև նախնական պայմանավորվածություն է ձեռք բերվել՝ հաջորդ տարի Երևանում Սանկտ Պետերբուրգի և Սանկտ Պետերբուրգում Երևանի օրեր անցկացնելու վերաբերյալ:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
