Սարգսյան-Պուտին հանդիպումը տեղի ունեցավ. Եվրասիական միության մասին՝ ոչ մի խոսք
Արտաքին Քաղաքական
Սերժ Սարգսյանն այսօր Մոսկվայում հանդիպել է Ռուսաստանի Դաշնության նախագահ Վլադիմիր Պուտինի հետ: Հանդիպման ընթացքում քննարկման առանցքային թեմաներն են եղել երկու երկրների համագործակցությունը ԱՊՀ-ի և ՀԱՊԿ-ի շրջանակներում, ինչպես նաև Կովկասում ավտանգության ապահովումը:
Ինչպես տեղեկացնում է Կրեմլի պաշտոնական կայքը, հանդիպման ժամանակ Վլադիմիր Պուտինը նշել է, Ռուսաստանում աշխատող Հայաստանի քաղաքացիները ամեն տարի իրենց ընտանիքներին են ուղարկում շուրջ 1 միլիարդ դոլար, ինչը կազմում է Հայաստանի ՀՆԱ-ի զգալի մասը։
«Մենք երկարաձգել ենք Հայաստանում ռուսական ռազմակայանի տեղակայման ժամկետները։ Մենք համարում ենք, որ Հայաստանում ռուսական ռազմակայանի գտնվելը բխում է մեր անվտանգության շահերից», - ընդգծել է Հայաստանի նախագահը` նշելով, որ այս տարվա աշնանը երկրում կանցկացվեն զորավարժություններ Հավաքական անվտանգության պայմանագրի կազմակերպության շրջանակներում։
Սերժ Սարգսյանը նաև նշել է, որ «Մենք հետևողականորեն խորացնում ենք մեր հարաբերություները Ռուսաստանի հետ և կցանկանայինք ավելացնել քաղաքական քննարկումները բարձրագույն և այլ մակարդակներում»:
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
