«Ժողովուրդ». Գազի սակագնի բարձրացումն անխուսափելի է
Հայկական Մամուլ
Սերժ Սարգսյանը ՌԴ նախագահ Վլադիմիր Պուտինի հետ հանդիպումից հետո անուղղակի կերպով խոստովանել է, որ իրեն չի հաջողվել կանխել գազի սակագնի թանկացումը:
«Այսօր մենք կարևոր հարցի՝ Հայաստան մատակարարվող բնական գազի սակագնի մասին ենք զրուցել: Կարծում եմ՝ դրա ձևավորման սկզբունքների հարցում փոխըմբռնման ենք հասել: Այն պետք է բխի գազի շուկայական իրական գնից, բազմապատկած կամ բաժանած, ինչպես ցանկանում եք, Հայաստանի բնական գազի կարիքները հարաբերակցելով տարածաշրջանային գներին՝ պահպանելովՀայաստանի տնտեսության արդյունավետությունը»,-ասել է նա:
Թերթը նկատում է, որ Ս. Սարգսյանը խոսում է գազի շուկայական իրական գնի մասին, ինչն ավելի բարձր է, քան այսօր ՀՀ մատակարարվող գազի սակագինը: Սա նշանակում է, որ գազի սակագնի բարձրացումն անխուսափելի է: Հիշեցնենք, որ Հայաստանը, 90-ականներից սկսած առ այսօր, գազը ՌԴ-ից գնել է ոչ թե շուկայական իրական գնով, այլ երկկողմանի պայմանավորվածությունների արդյունքում ստացված սակագնով, որն էականորեն ավելի ցածր է եղել շուկայականից:
Ի դեպ, մոսկովյան աղբյուրները «ժողովուրդ»-ին տեղեկացնում են, որ երեկվա հանդիպման ժամանակ Սարգսյանն ու Պուտինն այդպես էլ գազի սակագնի շուրջ վերջնական պայմանավորվածություն ձեռք չեն բերել»:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
