Google-ի անվարորդ մեքենաները հաղթահարեցին կես միլիոն կիլոմետր

Google-ի մշակած ավտոմատ կառավարման համակարգով մեքենաները փորձարկումների փուլում արդեն հաղթահարել են 300 հազար մղոն (շուրջ 480 հազար կմ) և այդ ընթացքում որևէ վթարի, կամ պատահարի մեջ չեն հայտնվել: Այդ մասին հաղորդում է Lenta.ru-ն:

Այժմ մեքենաներում փորձարկումներին ներկա են նաև ընկերության մասնագետները, ովքեր հետևում են, որ համակարգերը ճիշտ աշխատեն, սակայն, Google-ը հույս է հայտնում, որ մի օր ավտոմատ կառավարմամբ մեքենաների տերերը կկարողանան ճանապարհին ավելի հետաքրքիր գործով զբաղվել, իսկ մեքենան կվարվի համակարգչի կողմից:

Կորպորացիան իր փարձարկումների համար օգտագործում է հիբրիդ շարժիչով մեքենաներ: Իսկ ավտոմատ կառավարման նման համակարգեր դրված են Toyota Prius-ի և ամենագնաց Lexus RX450H-ի վրա: