Թուրքիայում ուղղաթիռի վթարի հետևանքով զոհվել է ՌԴ 3 քաղաքացի

Այսօր՝ օգոստոսի 9-ին, Թուրքիայում ուղղաթիռ է վթարվել, որի հետևանքով զոհվել է ՌԴ 3 քաղաքացի։ Այս մասին է հայտնել Associated press գործակալությունը՝ հղում կատարելով տեղական իշխանություններին։

Թուրքական Hurriyet-ի փոխանցմամբ՝ զոհված ՌԴ քաղաքացիներն են եղել Ալեքսանդր Գավրիլովը, Նիկոլայ Ատեպալիխինն ու Սերգեյ Խորոխորինը։

Նշենք նաև, որ ավելի վաղ հաղորդվել էր, որ Թուրքիայի հարավ–արևմուտքում ուղղաթիռ էր վթարի ենթարկվել, որը ենթադրաբար թուրքական կողմը վարձակալել էր Ռուսաստանից։