Թուրքիան մեղադրում է Ասադին քրդերին զինելու մեջ

Թուրքիայի արտաքին գործերի նախարարը այսօր մեղադրանքներ է հնչեցրել Սիրիայի նախագահ Բաշար ալ-Ասադի հասցեին` պնդելով, որ վերջինս աջակցություն է ցուցաբերել Թուրքիայում ահաբեկչական կազմակերպություն համարվող Քրդական աշխատավորական կուսակցությանը: Այդ մասին հաղորդում է Reuters-ը:

«Այո, Ասադը զինել է նրանց: Դա արդեն ենթադրություն չէ, դա փաստ է: Մենք արդեն իրականացրել ենք այդ վտանգը չեզոքանելու համար բոլոր անհրաժեշտ միջոցները», - ասել է Դավութօղլուն:

Պաշտոնական Դամասկոսը դեռ չի արձագանքել իր հյուսիսային հարևանի մեղադրանքներին:

Հիշեցնենք, որ թուրքական բանակը օրերս մեկ օպերացիա իրականացրեց Սիրիայի հյուսիսում` Քրդական աշխատավորական կուսակցության դիրքերը չեզոքացնելու համար: