Պետդումայի պատգամավորն Էրդողանին խորհուրդ է տվել հանել «վաշինգտոնյան ակնոցը»
Թուրքիա
Ղրիմից Պետդումայի պատգամավոր Ռուսլան Բալբեկը, մեկնաբանելով Թուրքիայի նախագահ Թայիփ Էրդողանի այն հայտարարությունը, թե Անկարան չի ճանաչում ՌԴ-ին Ղրիմի վերամիավորումը, նշել է, որ Թուրքիայի ղեկավարը պետք է հանի «խիստ մթնեցված ոսպնյակներով վաշինգտոնյան ակնոցը», ինչից հետո թերակղզում տեղի ունեցող իրադարձություններն ավելի իրատեսորեն կընկալվեն:
Էրդողանն ավելի վաղ կրկին հայտարարել է, որ Անկարան չի ճանաչում Ռուսաստանի հետ Ղրիմի վերամիավորումը, կշարունակի հետեւել ղրիմցի թաթարների վիճակին: Իր հերթին, ՌԴ-ի նախագահի մամուլի քարտուղար Դմիտրի Պեսկովը հայտնել է, որ Թուրքիայի ղեկավարն ունի Ղրիմ այցելելու գործող առաջարկություն, այդ կերպ նա կարող է տեղում ուսումնասիրել ղրիմցի թաթարների իրավունքների հետ կապված իրադրությունը:
«Թուրքիայի ղեկավարը Ղրիմի իրադրությանը նայում է խիստ մթնեցված ոսպնյակներով վաշինգտոնյան ակնոցով: Հարկավոր է այն հանել. եւ Ղրիմում տեղի ունեցող իրադարձություններն ավելի իրատեսորեն կընկալվեն»,- ասել է Բալբեկը ՌԻԱ Նովոստիին:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
