Ապստամբները նահանջեցին Հալեպի կարևոր ռազմավարական նշանակություն ունեցող թաղամասից
Մերձավոր Արևելք
Ինչպես երեկ արդեն տեղեկացրել էինք, սիրիական կառավարական բանակը լայնամասշտաբ գրոհ էր ձեռնարկել Հալեպի ուղղությամբ։ Երեկ և այսօր մարտերը հիմնականում ընթանում էին ռազմավարական նշանակություն ունեցող Սալահ էդ-Դին թաղամասի համար, որը, The Guardian-ի հաղորդմամբ, այսօր ապստամբներից անցել է կառավարական զորքերի վերահսկողության տակ:
Հալեպի հարավում գտնվող Սալահ էդ-Դին թաղամասը համարվում է քաղաքի դարպասը, քանի որ թաղամասով անցնում է Հալեպը Դամասկոսի հետ կապող մայրուղին:
«Ալ-Ջազիրա» հեռուստաընկերությունը հաղորդում է, որ Սիրիայի ընդդիմության զինված թևը՝ «Սիրիական ազատ բանակը», հաստատում է, որ նահանջել է Սալահ էդ-Դին թաղամասից, սակայն նշում է, որ նահանջը կրում է բացառապես մարտավարական և ժամանակավոր բնույթ:
Նշենք, որ արդեն շուրջ 2 շաբաթ է, ինչ մարտեր են մղվում ռազմավարական նշանակություն ունեցող Սալահ էդ-Դին թաղամասի համար: Թաղամասը բազմաթիվ անգամներ հրետանակոծվել ու ռմբակոծվել է կառավարական զորքերի կողմից, ինչի հետևանքով Սալահ էդ-Դինում շենքերի շուրջ 60 տոկոսն արդեն քանդված է:
Հավելենք, որ Սալահ էդ-Դինը Հալեպի հարավում է և բավական հեռու է քաղաքի հայաբնակ հատվածներից:
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
