«Հրապարակ». Խաչատուրովի պայմանները չի համարձակվում խախտել անգամ երկրի նախագահը

Օրաթերթ օգոստոսի 1-ի և 2-ի  համարներում գրել են, որ հանրապետական զինկոմիսարիատում հայտնաբերված խախտումների հիմքով հանրապետության գլխավոր զինկոմ Սերգեյ Չալյանը ժամանակավորապես հեռացված է աշխատանքից:

«Բանն այն է, որ առողջ զինակոչիկներին ծառայության ոչ պիտանի ճանաչելու դեպքեր էին հայտնաբերվել», մեր տեղեկություններով՝ թվով 17 անձի վերաբերյալ, և այդ փաստից զայրացած՝ պաշտպանության նախարարը շտապել էր քայլեր ձեռնարկել: Մեզ հետ զրույցում Չալյանը հերքել Էր փաստը, նշելով, որ ինքն արձակուրդում Է և արձակուրդից վերադառնալու է աշխատանքի: Սակայն երեկ Սերժ Սարգսյանի հրամանով նա հեռացվել Է պաշտոնից:

Մեր տեղեկություններով՝ թեև դեռ չեն հրապարակում, սակայն աշխատանքից հեռացվել է նաև Գլխավոր շտաբի պետ Յուրի Խաչատուրովի տեղակալը՝ Վալերի Նարիմանիչ Գրիգորյանը: Սակայն բոլորին Է հայտնի, որ այս անձինք առանց Խաչատուրովի գիտության և մասնակցության ոչինչ չեն անում: Նրա համար, փաստորեն, հատուկ արտոնյալ պայմաններ են ստեղծվել, և այդ պայմանները չի համարձակվում խախտել անգամ երկրի նախագահը»: