Նախկին ՀՀԿ-ականից մինչև ավագանու անդամի բարեկամ. ովքե՞ր են շինթույլտվություն ստանում Երևանում
Վերլուծական
Երևան քաղաքում տրվող շինարարական թույլտվությունների հարցը շարունակում է մնալ հանրության ուշադրության կենտրոնում: Երևանի ավագանու ընդդիմադիր անդամները հաճախ են ահազանգում, որ շինարարական թույլտվությունները տրվում են օրենքի խախտումով, սակայն ոչ պակաս հետաքրքիր է, թե ում են դրանք տրվում, որովհետև, այն մասին, թե ում շինություններն է քանդում քաղաքապետարանը՝ սովորաբար տեղեկանում ենք, իսկ ահա շինթույլտվությունների թեման լայն չի լուսաբանվում լրատվամիջոցների կողմից:
Եվ այսպես՝ 2019 թվականի դեկտեմբեր ամսին քաղաքապետարանը շահագործման 25 թույլտվություն է տվել, որոնցից երկուսը ավելի քան ուշագրավ են: Օրինակ Երևանի պետական համալսարանի շրջանավարտների միավորում ՀԿ-ին տված շահագործման թույլտվությունը:
Սույն ՀԿ-ի կայքում հոգաբարձուների խորհրդի անդամ է նշված Սերժ Սարգսյանը, իսկ ՀԿ նախագահը Արսեն Քարամյանն է: Ինչպես երևում է մերժենք Սերժին կարգախոսը, առնվազն, շինթույլտվությունների վրա չի տարածվել , ինչը, անշուշտ, ժողովրդավարության բաստիոնի դերում ամրապնդվելուն ուղղված ևս մեկ քայլ է:
Քաղաքապետարանը նմանատիպ շինթույլտվություն է տվել քաղաքացի Նաիրի Նորայրի Մելքոմ Մելքոմյանին:
Ով պատահական կերպով գրանցված է այն նույն հասցեում, ինչ «Իմ քայլը» դաշինքի ավագանու անդամ Գայանե Նորայրի Մելքոմ Մելքոմյանը:
2020 թվականի հունվար ամսին էլ նախագծման 11 թույլտվություն է տրվել, որոնցից մեկը՝ «Մոդերն» քընսթրաքշն ՍՊԸ-ին: Վերջինիս սեփականատերն է հանդիսանում Սևակ Օխանյանը:
Մի փոքր փնտրելուց հետո գտնում ենք փաստաթուղթ, որտեղ նշված է այլ ընկերության՝ «Օստ Շին»-ի անունը, որի տնօրենի տեղակալը նույն Սևակ Օխանյանն է:
«Օստ Շին»-ը, ըստ պետռեգիստրի կայքի, պատկանում է Օխանյան Ռոբերտին: «Օստ Շին»-ը մտնում է «Օստ գրուպ»-ի կազմի մեջ, որի կազմի մեջ է նաև Տիգրան Օխանյանին պատկանող «Օստ Էլ» ընկերությունը, որը ժամանակին շահագործում էր Հաղպատ 1 և Հաղպատ 2 փոքր ՀԷԿ-ը՝ չնայած բնապահպանների ահազանգերին:
2019-ին շինարակական թույլտվություն է տրվել նաև ՀՀԿ-ական նախկին պատգամավոր Աշոտ Արսենյանի «Ջերմուկ Գրուպ»-ին: Մասնավորապես, Երևան քաղաքի Կենտրոն վարչական շրջանի Արշակունյաց պողոտա հհ.18, 18/4, 18/5, 18/10, 18/16 հասցեներում բազմաֆունկցիոնալ համալիրի «Ա» հատվածամասի հիմքերի կառուցման համար «Ջերմուկ Գրուպ» ՓԲ ընկերությանը և Վահագն Արսենյանին Երևանի քաղաքապետարանի կողմից 17.05.2019թ. տրվել է հ.01/18-07/1-Պ-1173-381 նախագծման թույլտվություն, 06.12.2019թ. համաձայնեցվել է հ.01/18-05/2-117520-1263 աշխատանքային նախագիծ և տրվել հ. 01/18-117520-1592 շինարարության թույլտվություն
Ամենադիտված 
Մնաս բարյավ. Րաֆֆի Հովհաննիսյան
