Բեդուիններն աջակցելու են եգիպտացիներին Սինայում ռազմական գործողություններ ծավալելու հարցում

Եգիպտոսի Սինայի թերակղզու քոչվոր բեդուինների առաջնորդները համաձայնել են օգնել իշխանություններին կարգուկանոն հաստատել Գազայի և Իսրայելի հարևանությամբ գտնվող այդ անհանգիստ շրջանում, հաղորդում է BBC Russian-ը։

Բանակցելով Եգիպտոսի Ներիքն գործերի նախարարի հետ՝ նրանք նաև համաձայնել են աջակցել մաքսանեգներին ծառայող՝ Գազա տանող թունելների ոչնչացմանը։ Միևնույն ժամանակ, Եգիպտոսի լրացուցիչ զորքերը տեղաշարժվում են Սինա այստեղ հաստատված իսլամիստ զինլայների դեմ ռազմական գործողությանը մնասնակցելու նպատակով։

Ենթադրում են, որ հենց այս էքստրիմիստներն են նախորդ կիրակի սպանել եգիպտացի սահմանապահներին։ Այս պատահարից հետո է, որ Եգիպտոսը Սինայի թերակղզի է ուղարկել լրացուցիչ զորքեր, տանկեր և այլ զրահապատ տեխնիկա։ Ահմեդ Գամելը չորեքշաբթի երեկոյան Ալ-Արիշում (Գազայից 50 կմ հեռավորության վրա) հանդիպել է բեդուինների առաջնորդների հետ, որպեսզի քննարկի ռազմական գործողություններին նրանց աջակցությունը։

Էդի Աբու Մարզուկան՝ քոչվորների առաջնորդը, հանդիպումից հետո լրագրողին ասել է, որ ռազմական գործողությունը իրենց աջակցությամբ կպսակվի հաջողությամբ։