Մեծ Բրիտանիայի ամենաթանկ առանձնատունը գնել է Մոսկվայի Բանկի նախկին նախագահը

Մոսկվայի Բանկի նախկին ղեկավար Անդրեյ Բորոդինը 140 մլն ֆունտ ստերլինգով գնել է Մեծ Բրիտանիայի ամենաթանկ Park Palase առանձնատունը: Դղյակն իր մեջ ներառում է ուղղաթիռի վայրեջքի հարթակ, սպա-կոմպլեքս, տնային կինոթատրոն, ձիերի ախոռ և նավակայան:

Հայտնի է, որ առուվաճառքի գործարքն իրականացվել է բրիտանական Վերջիինիա կղզում գրանցված ընկերության միջոցով: Առանձնատունը իր հարակից տարածքով զբաղեցնում է մոտ 80 հետկար: Բորոդինը դեռ չի մեկնաբանել այդ գործարքը՝ ասելով. «Ես իմ ինձնական կյանքը չեմ մեկնաբանում»:

2007 թ.-ին Park Palace-ը 40 մլն ֆունտ ստերլինգով ձեռք էր բերել ծրագրավորող Մայքլ Սփինկը: Այդ ժամանակ 40 մլն-ը նույնպես ռեկորդային գին էր համարվում: Առանձնատան ձեռբերումից անմիջապես հետո Սփինկը սկսել էր փոփոխություններ իրականացնել՝ վերակառուցման համար ներդնելով լրացուցիչ 100 մլն ֆունտ ստերլինգ: Վերակառուցումից հետո նա ստիպված է եղել վաճառել առանձնատունը, քանի որ տեղական բնակչությունը դեմ էր Մ. Սփինկի՝ առանձնատունը զվարճանքի կենտրոնի վերածելու մտադրությանը:

Նշենք նաև, որ Անդրեյ Բորոդինը մեղադրվում է ՌԴ պետական բյուջեից մոտ 20 մլրդ ռուբլու յուրացման մեջ: Ըստ Ռուսաստանի ներքին գործերի նախարարության տեղեկատվության, Ա. Բորոդինը և Մոսկվայի Բանկի համաղեկավար Ակուլինի հետ 2008-2011 թվականներին բանկի թղթակցային հաշվից ավելի քան 7.8 մլրդ ռուբլի են տեղափոխել Կիպրոսի՝ իրենց ենթակայության տակ գտնվող ընկերությունների հաշիվներին:

Այն ընկերությունները, որոնց հաշիվներին են ուղարկվել վերոնշյալ գումարները, ոչ մի գործունեություն չեն իրականացնում: Վերլուծաբանների ուսումնասիրությունների արդյունքում պարզվել է, որ հափշտակված գումարներից Մոսկվայի Բանկ է վերադարձել ընդամենը 1.1 մլրդ ռուբլին, իսկ մնացածը կասկածյալ ղեկավարները գողացել են:

ՌԴ-ի գլխավոր դատախազությունը տվյալ առուվաճառքի մասին լրացուցիչ տեղեկություններ ստանալու նպատակով դիմել է Մեծ Բրիտանիային: