Սիրիայում ստեղծվել է սիրիա-իռլանդական 6000-անոց լավ սպառազինված ապստամբ բրիգադ

Սիրիական Իդլիբ նահանգում սկսել է գործողություն ծավալել «Ummah» բրիգադը՝ կազմված մի քանի հազար զինյալներերից, որոնց ղեկավարում է Իռլանդիայի՝ լիբիական ծագումով քաղաքացի Մահդի-ալ-Հարաթին։ Այս մասին հաղորդում է The Foreign Policy-ն։

Հարաթին Լիբիա է եկել 2011 թվականի քաղաքացիական պատերազմի ժամանակ։ Վերապատրաստվել է Նալուտ քաղաքում, որից հետո էլ արագ դարձել է «Տրիպոլի բրիգադի» հրամանատար։ Լիբիական հակամարտության ավարտից հետո Հարաթին եկել է Սիրիա, որտեղ տեղի ապստամբերը նրան են դիմել պատրաստված զինյալների խումբ ստեղծելու խնդրանքով։

Հարաթին և Լիբիայի նրա մարդիկ հաստատել են դաժան կարգուկանոն, միասնական հրամանատարություն, որի շնորհիվ էլ նրանց «Ummah» բրիգադը դարձել է ամենապատրաստված մարտական ապստամբերի խումբը։ Նա ու նրա մարդիկ նույնիսկ ստեղծել են հատուկ էջ ֆեյսբուքում, որը օգտագործվում է ընթացիկ կյանքի նկարագրության համար։

Իդլիբում նրա հաջողություններն այնքան մեծ էին, որ նրա ստեղծած զինյալ խմբին անդամագրվելու ցանկություն են հայտնել ինչպես անհատներ, այնպես էլ խմբեր։ Արդյունքում ձևովորվել է 6000 մարդուց կազմված խումբ։ Խմբում ոչ բոլորը կարող էին ընդգրկվել, բոլոր անդամները պետք է համապատասխանեն խիստ չափանիշներին։ Հարաթին հայտարարել է, որ իր խումբը բաղկացած չէ Սիրիայի ազատ բանակի միատարր զանգվածից, որում ընդգրկված են ապստամբների մեծ մասը։ Բայց նրա խոսքով, նա ժամանակի ընթացքում ուզում է ձևավորել իր քաղաքական ուժը։ «Ummah բրիգադի» 90 տոկոսը սիրիացիներ են, մնացածը, հիմնականում, լիբիացիներ են։

Բացի դրանից, բրիգադում ծառայում են մուսուլմաններ Իռլանդիայից, գլխարվորապես Դուբլինից։ Այդ կազմակերպության զինյալները Սիրիայի հյուսիարևմտյան շրջանում ստեղծել են ուսումնական ճամբարներ, որտեղ ապստամբել որոշող քաղաքացիներին սովորեցնում են ռազմական հիմանական տակտիկան ու զենքի հետ վարվելու կերպը։ Ապստամբական այլ խմբավորումների հետ համեմատած՝ «Ummah» բրիգադը հագեցած է սարքավորումներով։ Մասնավորապես, նրա բոլոր զինյալները կրում են հատուկ համզգեստ, զինված են ավտոմատներով, ինչպես նաև ժամանակակից հակատանկային միջոցներով ու մեծ տրամաչափի գնդացիրներով։ Բրիգադի ֆինանսավորումը, ղեկավարի խոսքով, ստանում են տարածաշրջանի հարուստների ու կազմակերպությունների նվիրատվությունից։ «Իշխանություններից սկզբունքորեն գումար չենք վերցնում»,- ընդգծել է Հարաթին։

Ավելի վաղ հաղորդվել էր, որ սիրիական ապստամբերը օգնություն են ստանում երկրի տարբեր շրջաններից, ինչպես նաև արևմտյան կառավարություններից։ Մասնավորապես, հուլիսին հայտնի դարձավ, որ թուրքական իշխանությունները Կատարի ու Սաուդյան Արաբիայի հետ համատեղ բացել են գաղտնի ռազմական բազա, որի աշխատակիցները կոորդինացնում են սիրիական ապստամբերին հատկացված օգնությունը։ Այս տվյալների համաձայն, բազան տեղակայված է Իդլիբից ոչ հեռու գտնվող թուրքական Ադանա քաղաքում։