Արձակագիր Հրանտ Մաթևոսյանի ծննդյան օրն է այսօր
Գիտություն և Մշակույթ
«Կյանքը մի անգամ է տրվում, պետք է կենտրոնում լինել, կյանքը վայելել, դա է մնում։ Ինչ վայելում ես, այն էլ հետդ ես տանում։ Թեկուզ լավ արարքներիդ համար արձան կառուցեն, քեզ համար ոչինչ չի փոխվում…»։ Խոսքերի հեղինակը հայ գրող, արձակագիր, սցենարիստ Հրանտ Մաթևոսյանն է, ում ծննդյան օրն է այսօր: Նա կդառնար 85 տարեկան:
Մեծ գրողը ծնվել է Լոռվա Ահնիձոր գյուղում, 1935թ.: Բարձրագույն կրթությունն ստացել է Երևանի մանկավարժական ինստիտուտում: Հետո սովորել է Մոսկվայի սցենարական դասընթացներում:
Մաթևոսյանի գործերում գյուղն է` պարզ գյուղացու կյանքը, աշխատանքը: Նրա հերոսները մարդիկ են, որոնք չեն լքում իրենց աշխարհը:
Նրա վիպակների հիման վրա նկարահանվել են հայտնի կինոնկարներ` «Մենք ենք, մեր սարերը», «Աշնան արև», «Տերը», բեմադրվել են ներկայացումներ: Մաթևոսյանը ճանաչվեց ոչ միայն Հայաստանում, այլև նախկին Խորհրդային Միությունում, ստացավ խորհրդային ամենաբարձր գրական պարգևներից մեկը` Պետական մրցանակը:
Հրանտ Մաթևոսյանը մահացել է 2002թ. դեկտեմբերի 18-ին, Երևանում: 2011թ. այս օրը բացվել է Մաթևոսյանին նվիրված հուշակոթող-աղբյուրը, որի ճարտարապետն է Տիգրան Բարսեղյանը:
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
