Հայտնի չինական պատից փլվել է 36 մետր

Հեբեի նահանգում հորդառատ անձրևների պատճառով փլվել է պատմական ճարտարապետության հսկայական մի կտոր։ Այս մասին հաղորդում է Life News Online-ը։

Հայտնի չինական պատից փլվել է 36 մետր (նկարներ՝ thesurfbum.com)։ Հիշեցնենք, որ հայտնի ճարտարապետական կառույցի շինարարությունը սկսվել է Ք.ա. 3-րդ դարում։ Տեղական կառավարման ներկայացուցիչների հաղորդմամբ՝ լուրջ փլուզումների պատճառ է դարձել Չինաստանի հյուսիսում մի քանի օր չդադարող հորդ անձրևը։ Տեղական իշխանությունները վստահեցնում են, որ փլուզված մասը վաղուց էր վերանորոգման կարիք զգում, բացի այդ այն նաև վատ էր պահպանվել։ Ներկա պահին փլուզված մասում վերականգնողական աշխատանքներ են տարվում՝ մշակութային ժառանգությունը փրկելու նպատակով։