Հանրապետության 28 մարզադպրոցների տրամադրվել է 50 մլն դրամի նոր մարզագույք

Միայն 2012 թվականին, ՀՀ կառավարության որոշմամբ ՀՀ սպորտի և երիտասարդության հարցերի նախարարության կողմից ձեռք է բերվել և 28 մարզադպրոցների տրամադրվել է 42 անվանում մարզագույք ընդհանուր 50 մլն դրամ արժողությամբ:

Նշենք, որ 2011 թվականին նույնպես, 50 մլն դրամ արժողությամբ մարզագույք է տրամադրվել հանրապետության մարզական կազմակերպություններին:
Ընդհանուր առմամբ 2003-2012 թվականների ընթացքում ձեռք է բերվել և մարզադպրոցներին է տրամադրվել 1,198 մլրդ դրամի մարզագույք: Հաշվի առնելով մարզական կառույցներին անհրաժեշտ մարզագույքի, գործող մարզադպրոցների վիճակների, գույքի մաշվածության, նոր կառուցվող մարզական կառույցների վերաբերյալ ուսումնասիրությունները, ՀՀ սպորտի և երիտասարդության հարցերի նախարարությունը հանդես է գալու նախաձեռնությամբ՝ բյուջեից ամենամյա հատկացումները 2013 թվականից սկսած ավելացնել և հասցնել մինչև 150 մլն դրամի: