Պան Կի Մունը խնդրել է երկարձգել Սիրիայում ՄԱԿ-ի դիտորդական առաքելության ժամկետը

ՄԱԿ-ի գլխավոր քարտուղար Պան Կի Մունը խնդրել է երկարաձգել Սիրիայում դիտորդական աշխատանքներ իրականացնելու ժամկետները, որոնք վերջանալու են օգոստոսի 19-ին։ Այս մասին ասվում է ուրբաթ երեկոյան Պան Կի Մունի՝ ԱԽ անդամ երկրներին ուղարկված նամակում, հայտնում է РИА Новости-ն։

ՄԱԿ-ի գլխավոր քարտուղարը նշում է, որ Սիրիայում ՄԱԿ-ի ներկայությունը հնարավորություն կտա օբյեկտիվորեն գնահատելու գործողությունները։ Պան Կի Մունի՝ ՄԱԿ-ի դիտորդական առաքելության ժամկետները երկարաձգելու մասին հարցը կքննարկվի Անվտանգության խորհրդի օգոստոսի 16-ի նիստում։ Մի շարք երկրներ առաջարկել են ետ կանչել առաքելությունը, քանի որ անզեն դիտորդները պատերազմական իրավիճակում չեն կարող իրականացնել դրված խնդիրները։

Գլխավոր քարտուղարն Անվտանգության խորհրդին նաև առաջարկել երկարաձգել Սիրիայում ՄԱԿ-ի պատվիրակների և Արաբական երկրների լիգայի առաքելությունը, որի ժամկետն ավարտվում է օգոստոսի 31-ին։ ՄԱԿ-ի ու Արաբական երկրների լիգայի պատվիրակ Քոֆի Անանը հայտարարել է, որ այդ պաշտոնը չի զբաղեցնի օգոստոսի 31-ից հետո։

«Այս պաշտոնի համար թեկնածու ընտրելը շատ դժվար է։ Նա պետք է կատարի երկու կազմակերպությունների առաջադրանքները և, դրա հետ մեկտեղ, պետք է լինի բավականին խիզախ անձնավորություն, որպեսզի կարողանա գլուխ բերեր իր առջև դրված առաջադրանքները»,- ասել է Ֆրանսիայի դեսպանը։

Ժերար Արոն ընդգծել է, որ չնայած Սիրայում Անանի անունը կրող խաղաղասիրական կարգավորումները դեռ չի հաջողվում կյանքի կոչել, բայց չարժի դրանից հրաժարվել։ «Դա միակ փաստաթուղթն է»,- նշել է դեսպանը,- «որը ՄԱԿ-ի Անվտանգության կոմիտեի բոլոր երկրները հաստատել են, և անհրաժեշտ է այն պահպանել՝ հատկապես ռազմական գործողությունները դադարեցնելու մասով»։