Ամմանը հերքել է տանկերի մասնակցությունը Սիրայի սահմանային բախմանը

Ամմանի ռազմական աղբյուրը հերքել է Հորդանանի ու Սիրիայի սահմանի Թել-Շեհաբ շրջանում գիշերը տեղի ունեցած տանկային պատահարի մասին լուրը։

Համաձայն տվյալների՝ կատաղի բախումները տեղի են ունեցել սահմանի Սիրիական հատվածում կանոնավոր բանակի և այսպես կոչված «Սիրիական ազատ բանակի» ապստամբների միջև։ Ավելի վաղ արևմտյան գործակալությունները տեղեկություններ են հաղորդել Իրբիդից հյուսիս գտնվող Սիրիայի ու Հորդանանի զինծառայողների միջև տանկային կրակահերթի մասին։ Այս շաբաթ Դամասկոսից արևելք 6 զինված կրոնական ծայրահեղական միավորվել են «Անսալ ուլ-Իսլամ» անվան տակ և իրենց գլխավոր նպատակ են հայտարարել Սիրիայում «Իսլամի շարիաթական հանրապետություն» ստեղծելը։

Լուբնան ալ-Էն գործակալությունը հայտնում է առավոտից Բոսրա-ալ-Շամ և Էլ-Ջիզա շրջաններում ընթացող բախումների մասին։ Ռազմական գործողություններն անց են կացվում Դամասկոսի մոտակայքում։ Ուղղաթիռները ցածր բարձրությունից պարեկություն են իրականացնում լեռնային հանգստյան գոտի Զաբադանում, որը գտնվում է Դամասկոսից 45 կիլոմետր հեռավորությամբ։

Մայրաքաղաքում տեղի ունեցող ուժեղ փոխհրաձգությունն ու պայթյունները լսելի են Թադամուն արևելյան թաղամասում, որը երեք շաբաթ առաջ ծառայել է «Սիրական ազատ բանակին»՝ որպես հիմնական հենակետ։ Բախումներ են տեղի ունեցել նաև Ջուբասում և Կուբանում։ Միևնույն ժամանակ սիրիական «Ալ-Իհբարիա» լրատվական ալիքը հայտնում է, որ զինյալները մայրաքաղաքից 10 կիլոմետր արևմուտք գտնվող Թել-Մնին շրջանում առևանգել են իրենց նկարահանող խմբին։

Այսօր France-Presse գործակալությունը հայտնում է Սիրիայում 187 մարդու մահվան մասին։