Սիրիայի գործով Արաբական երկրների լիգայի արտգործնախարարների հանդիպումը հետաձգվել է

Միջազգային հանրությունը չկարողացավ դադարեցնել հակամարտությունները Սիրիայի փողոցներում: Արաբական երկների լիգայի անդամ պետությունների արտգործնախարարները հետաձգել են Ջիդա քաղաքում կայանալիք հանդիպումը, որի ժամանակ քննարկելու էին սիրիական ճգնաժամին վերաբերող հարցեր: Այս մասին հաղորդում է BBC Russian-ը:

Նախարարները պատրաստվում էին համաձայնեցնել Սիրիայի նոր դեսպանորդի թեկնածությունը, որը պետք է փոխարինի օգոստոսի սկզբին հրաժարական տված Քոֆի Անանին: ԱՄՆ-ի պետքարտուղար Հիլարի Քլինթոնը հայտարարել է Թուրքիայի հետ սիրիական ընդդիմությանը աջակցելու ծրագրի քննարկման մասին:

Մինչ այդ շարունակվում են Սիրիայի մայրաքաղաք Դամասկոսում և Հալեպ քաղաքում ապստամբների ու կառավարական զորքի միջև ընթացող դաժան մարտերը: Ստամբուլ այցի ժամանակ Քլինթոնը հայտարարել է ԱՄՆ-ի ու Թուրքիայի կողմից մշակվող տարբեր սցենարների մասին: Սիրիայի հանրային հեռուստատեսությունը հայտնում է, որ իշխանությունները փորձում են գտնել ահաբեկիչների, ովքեր Դամասկոսի հարուստ թաղամասերից մեկի կենտրոնական բանկի շրջակայքում պայթուցիկ կտեղադրեն, այդպիսով, խուճապ առաջացնելով խաղաղ բնակչության շրջանում: Սիրիայի խոշոր քաղաքներից Հալեպում նորից հակամարտություններ են սկսվել «Սիրիայի ազատ բանակի» և իշխանական զորքերի միջև: Սիրիայից արված հայտարարությունները դժվար է ստուգել իշխանությունների կողմից լրագրողների վրա դրված սահմանափակումների պատճառով: