Մեր գյուղատնտեսությունը 17-րդ դարից այսօր շատ քիչ է տարբերվում. Բագրատ Ասատրյան (տեսանյութ)

Այսօր տնտեսական զարգացումների մեջ մեծ մասնաբաժին ունի հասարակությունը։ Ունենք 7,6% տնտեսական աճ, ըստ ոլորտների, երբ նայում ենք, այստեղ առաջինը զարգացում ապրել են այն ոլորտները, որտեղ հասարակության սպասումները ավելի լայն դրսևորումներ են ունեցել։ Այս մասին այսօր հրավիրված «2019 թ․ տնտեսական արդյունքը և 2020 թ․ տնտեսական մարտահրավերները» թեմայով քննարկմանը հայտարարեց Բագրատ Ասատրյանը։

«Չէի ասի, որ անցած տարվա մեր տնտեսության զարգացումները պետք է հիացմունքի առարկա լինեն։ Գյուղատնտեսությունը, դեռևս չի արտացոլում էն իրականությունը, ինչ-որ մենք ունենք Հայաստանում։

Գյուղատնտեսությունը մեր մոտ մնացորդային բնույթ է կրում․ այստեղ խոսել զարգացման, տեխնոլոգիայի, ժամանակակից ինչ-որ բաների մասին, անիմաստ է, մենք 17-րդ դարից շատ քիչ ենք տարբերվում, մի երկու հատ ջերմոց կա, մի երկու հատ ինչ-որ տեխնոլոգիա, տեխնիկա կա, մնացածը մնացելա նույնը»,-նշեց նա։ 

Բագրատ Ասատրյանն ասաց, որ անհանգստացնող երևույթ է նաև, որ ներմուծման աճի ծավալները գերազանցեցին արտահանումը։ Նա նշեց, որ այն լուրջ է արտաքին առևտրի և, մասնավորապես, արտահանման աշխարհագրության առումով տեղի ունեցող տեղաշարժերի առումով։ Մանրամասները՝ տեսանյութում։