Հանրաքվեն վնասում է ներդրումային միջավայրը. Արծվիկ Մինասյան (տեսանյութ)

Առաջին հայացքից թվում է, որ լուրջ առաջընթաց ունենք, սակայն, ընդհանուր գնահատմամբ, մեր տնտեսությունը շարունակում է իներցիոն բնույթ կրել։ Հիմնարար փոփոխություններ՝ տնտեսության կառուցվածքում և դեպի առաջընթաց ապահովող քաղաքականության մասով, ցավոք, այս պահին չունենք։ Այս մասին այսօր հրավիրված ասուլիսին հայտարարեց Արծվիկ Մինասյանը։ Ըստ նրա՝ հիմքերի հիմքը ներդրումային քաղաքականությունն է, որտեղ ականատես ենք լինում, որ ինստիտուցիոնալ մակարդակում այդպես էլ չենք ձևավորել, դեռևս, այնպիսի մի համակարգ, որտեղ ներդրողի իրավունքների պաշտպանությունը կախված չլինի պաշտոնյաներից, այլ համակարգը ինքը երաշխավորի։ 

Անդրադառնալով սպասվելիք հանրաքվեի թեմային՝ բանախոսը նշեց, որ դա վնասում է ներդրումային միջավայրը։ Միջազգային չափորոշիչներին համապատասխան՝ սրանք համարվում են ներդրումային միջավայրը բացասական բնութագրող երևույթներ։ Մանրամասները՝ տեսանյութում։