Հայերը Անիին վնաս չեն հասցնում
Թուրքիա
Թուրքիայի Կարս նահանգի Մշակույթի և զբոսաշրջության վարչության պետ Հաքան Դողանայը հերքել է թուրքական մամուլի տարածած այն տեղեկությունները, թե Հայաստանի տարածքում գործող քարհանքերը դինամիտով են պայթեցվում, ինչը վնասում է Անիին:
Հաքան Դողանայը, հերքելով թուրքական մամուլում տեղ գտած Անիի վնասվելու մասին հրապարակումները, հայտնել է, որ հանքերը շահագործվում են Թուրքիայի և Հայաստանի միջև 2006 թվականին կնքված համաձայնագրի շրջանակներում:
«Մինչև 2006 թվականը քարհանքերում դինամիտով պայթեցումներ իրականացնելու պատճառով Անիի ավերակները վնաս էին կրում: Ավելի ուշ համաձայնություն ձեռք բերվեց, որ մշակութային ժառանգության պահպանման անհրաժեշտության նպատակով նման պայթեցումները դադարեցվեն: Հայերն այդ համաձայնագրին հավատարիմ են և դինամիտ չեն օգտագործում»,- ասել է նա:
Հավելենք, որ օրեր առաջ թուրքական լրատվամիջոցները աղմուկ էին բարձրացրել, պնդելով, որ Հայաստանի տարածքում գտնվող քարհանքների պայթեցումները զգալի վնաս են հասցնում Անիում կանգուն մնացած եկեղեցիներին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
