Ում բիզնեսն է «ջերմանում» այլընտրանքային էներգիայի շնորհիվ

Վերլուծական 3 Մարտ, 2020 20:00

Էներգիան կենտրոնական նշանակություն ունի ժամանակակից մարդու կենսագործունեության և պետությունների զարգացման գրեթե բոլոր ոլորտների, նպատակների և խնդիրների համար: Լինեն աշխատատեղերը, անվտանգությունը, կլիմայի փոփոխությունը, սննդամթերքի արտադրությունը, թե` եկամուտների ավելացումը, էներգիայի աղբյուրների հասանելիությունը բոլորի համար որոշիչ գործոն է: Կայուն էներգետիկան անհրաժեշտ է տնտեսական զարգացման, էկոհամակարգերի պահպանության և անգամ՝ արդարության հաստատման հարցերում:

ԱՄՆ էներգետիկ ինֆորմացիոն գործակալության տվյալների համաձայն՝ 2006-2030 թվականներին օգտագործվող էլեկտրաէներգիայի ծավալները կաճեն 44 տոկոսով:

Բայց միայն թույլ զարգացած կամ զարգացող երկրներում չէ, որ էլեկտրաէներգիայի սպառումը սրընթաց աճ կարձանագրի. կապված էլեկտրամոբիլների և հիբրիդային ավտոմոբիլների սեկտորի զարգացման, տեխնոլոգիական առաջընթացի հետ՝ զարգացած երկրները ևս էական ավանդ կունենան էլեկտրաէներգիայի համաշխարհային պահանջարկի մեծացման հարցում: Վերլուծաբանները կանխատեսում են, որ մինչև 2050 թվականը համաշխարհային էներգիայի պահանջարկը կմեծանա 1,5 անգամ՝ ընդհանուր առմամբ, այդ թվում՝ էլեկտրաէներգիայի պահանջարկը կկրկնապատկվի:

Հայաստանում այլընտրանքային էներգիայի անցնելու հեռանկարը քննարկվում է բավական երկար տարիների ընթացքում: Այս ժամանակահատվածում արդեն իսկ երկրում կառուցվել է արևային վահանակներ արտադրող գործարան, իսկ էլ ավելի ուշագրավ են այս եկամտաբեր և հեռանկարային դաշտի հիմնական խաղացողները:

«Պրոֆպանել» ՍՊԸ

«Շտիգեն» ՍՊԸ, որի սեփականատերը, ըստ պետռեգիստրի, Հայկ Շեկյանն է:

Հայկ Շեկյանը ծնվել է 1976 թվականին։ Ավարտել է ԵՊՀ տնտեսագիտության ֆակուլտետը, այնուհետև ստացել է տնտեսագիտական և կառավարման գիտությունների թեկնածուի կոչում՝ ՌԴ նախագահին կից ժողովրդական տնտեսության և պետական ծառայության ակադեմիայում: Նախկինում աշխատել է ՓՄՁ զարգացման ազգային կենտրոնում՝ որպես ֆինանսական աջակցության ծրագրերի ղեկավար, ինչպես նաև զբաղեցրել ղեկավար պաշտոններ հայկական առևտրային բանկերում: Շեկյանը նաև «Ազգային Օրակարգ» կուսակցության հիմնադիրներից է:

«Էկո Ստեպ» ընկերությունը, որի հիմնադիրն է Յուրի Կաչաչյանը, ով նաև «ԴՎ-Ինվեստ» ՍՊԸ-ի սեփականատերն էր: Այս ՍՊԸ-ի նկատմամբ ՊԵԿ-ը վերջերս վարույթ էր հարուցել: