Եգիպտոսում հեռուստատեսության սեփականատիրոջը կդատեն հականախագահական հայտարարություններ անելու համար

Եգիպտոսի մասնավոր հեռուստատեսության սեփականատիրոջն ու լրագրողին կդատեն ներկայիս գործող նախագահ Մուհամեդ Մուրսիի դեմ հայտարարություններ անելու համար։ Այս մասին օգոստոսի 13-ին հայտնում է Agence France-Presse-ը։

«Ալ-Ֆարան» հեռուստատեսության սեփականատերը մեղադրվում է նախագահի սպանությունը հրահրելու մեջ։ Նշենք, որ Օկաշան (հեռուստատեսության սեփականատերը) երկրում հայտնի է որպես հակաիսլամիստ և իր ալիքով հեռարձակել է Մուրսիի ու նրա կուսակցությանը քննադատող թոք-շոու։ Շոուն մի շաբաթ առաջ իշխանության ցուցումով փակվել է իշխանական հեղաշրջում հրահրելու մեղադրանքով։ «Ալ-Դաստուր» թերթի գլխավոր խմբագրին էլ մեղադրում են երկրի նախագահին վարկաբեկող «ոչ հավատսի տեղեկատվություն» տպագրելու մեջ։ Ներկա պահին Օկաշան ու Աֆիֆին (թերթի խմբագիրը) ազատության մեջ են, բայց Եգիպտոսից հեռանալ չեն կարող։