Շուրջ 150 սիրիահայ երեխա ժամանեց Հայաստան

Այսօր Հալեպ-Երեւան լրացուցիչ չվերթով Հայաստան ժամանեց սիրիահայ շուրջ 150 երեխա,- այս մասին Lurer.com-ի հետ զրույցում ասաց ՀՀ սփյուռքի նախարարության աշխատակազմի ղեկավար, սիրիահայերի հարցերով ձևավորված հանձնաժողովի նախագահ Ֆիրդուս Զաքարյանը։

Սիրիահայ երեխաներն իրենց հանգիստը կանցկացնեն Հանքավանի «Լուսաբաց» ճամբարում:

Հիշեցնենք, որ օգոստոսի 9-ին ազգային ավիափոխադրող «Արմավիա» ավիաընկերության և ՀՀ կառավարության հետ համատեղ Երեւան-Դամասկոս-Երեւան ուղղությամբ իրականացվեց առաջին հատուկ չվերթը։  Առաջին չվերթով Դամասկոսից Երեւան էր ժամանել 137 երեխա։