Խաղողի մթերման գները կմնան անփոփոխ

Հոկտեմբերի 6-ի Արարատի մարզ շրջայցի ժամանակ ՀՀ գյուղատնտեսության նախարար Սերգո Կարապետյանը ծանոթացել է խաղողի մթերման գործընթացին և արժանացել բերք հանձնող գյուղացիների գոհունակություններին: Նախարարը գյուղացիներին հավաստիացրել է, որ խաղողի մթերման գները կմնան անփոփոխ` նվազագույնը գինը 1 կգ-ի համար կմնա 130 դրամ: Այս տարի արտադրվել է 175 հազար տոննա խաղող , որից մթերվել է 106 հազար տոննա: Այսօր այդ մասին լրագրողների հետ հանդիպմանը տեղեկացրեց ՀՀ գյուղատնտեսության նախարար Սերգո Կարապետյանը:

Նշենք, որ նախորդ տարիներին գյուղացիները մտածում էին անգամ խաղողի այգիների ոչնչացման մասին, քանի որ իրենց քրտնաջան աշխատանքները այդպես էլ մնում էին անարդյունք: Այլ է պատկերը այսօր: Գյուղացին իր աճեցրած խաղողը ամբողջությամբ հնարավորություն ունի մթերելու ձեռնտու գնով: Մթերումների և վճարումների նման կազմակերպվածությունը միտում ունի նպաստելու այգետարածքների և բերքերի ծավալների ընդլայնմանը:

Հանդիպման ժամանակ նախարարը խոսեց նաև օգոստոս ամսվա վիճակով գրանցված հացահատիկային կուլտուրաների արտադրման աննախադեպ արդյունքի մասին հավելեց, որ այս տարի կունենանք 17 հազար տոննա ավել հեկտար ցորեն: Այն որ հնչել են դիտարկում էր , որ Հայաստանում արտադրվող կաթնամթերքի հիմնական մասը պատրաստված են փոշուց նախարաը նշեց, որ շուտով ապրանքների վրա պարտադիր կմակնշվի թե արտադրանքի մեջ որքան փոշի է պարունակում, ինչը հնարավորություն կտա գնորդին ավելի ճիշտ կողմնորոշվել:Խոսելով այս մասին նախարարը հավելեց, որ գնային փոփոխություններ ևս կլինեն կապված արտադրանքի պարունակության հետ: