ՋԸՕ-ում բացահայտումների սպասելիս. յուրայինները՝ պետեր

Թեև իշխանափոխությունից հետո շատ էր խոսվում այսպես կոչված ջրային մաֆիային արմատախիլ անելու մասին, սակայն անցել է շուրջ երկու տարի, իսկ այդ մաֆիայի մաս կազմող ՋԸՕ-ը և վերջիններիս պետերը, ում տները, ի դեպ, վարչապետը խոստացել էր մտնել ու ստուգումներ իրականացնել՝ բարգավաճում են: Գաղտնիք չէ՝ ՋՕԸ-ների տնօրենի պաշտոնը ոչ բարեխիղճ աշխատողների համար բավականին եկամտաբեր է ու կարելի է այստեղ սուս-փուս, առանց մեծ աղմուկ հանելու` «ձեռքերը մի լավ տաքացնել»: Զուր չէ, որ ՋՕԸ-ների պետերի պաշտոնները հաճախ զբաղեցնում են իշխանավորների բարեհաճությունը վայելողները:

Հայաստանում գործում են ջրօգտագործողների 42 ընկերություններ (ՋՕԸ), որոնք ջուր են մատակարարում 618 համայնքի մոտ 200 հազար ջրօգտագործողների: ՋՕԸ-ներում ֆինանսական ստուգում կատարելու իրավասություն ունեն Ֆիննախարարության Ֆինանսական վերահսկողության տեսչությունը և Հաշվեքննիչ պալատը, և միայն այն ՋՕԸ-ներում, որոնք սուբսիդիա են ստանում պետությունից: Նոր իշխանությունները նախընտրում են ոչ թե փակել ՋԸՕ-ն, ինչպես նախկինում էին խոստանում անել, այլ համալրել դրանք յուրայիններով: Իսկ ջուրը ինչպես գյուղացուն չէր հասնում, այդպես էլ չի հասնում. դժվար չէ կռահել, թե ուր է հոսում՝ դեպի օլիգարխների ՀԷԿ-եր՝ դեպի ջրային մաֆիայի գրպան: Ի դեպ, չնայած հավաստիացումներին, այս ոլորտում այդպես էլ ցնցող բացահայտումների ականատես չեղանք, ջրային մաֆիան էլ մնաց անտեսանելի թշնամի, որի դեմ պայքարում են, սակայն պայքարն արդյունք չի տալիս: Հայաստանի հպարտ քաղաքացիները մտածելու տեղիք ունեն, եթե ավանդույթները շարունակվում են, հետևաբար շարունակվում են նաև կոռուպցիոն դրսևորումները:

Եթե, ըստ Փաշինյանի տրամաբանության, ՋԸՕ-ը ջրային մաֆիայի գործիքն էին, ապա այսօր պարզապես տեղի է ունենում այդ գործիքը յուրացնելու գործընթաց, այսինքն՝ նորերը համակարգային փոփոխության գնալու փոխարեն՝ շարունակում են նախորդների գործելաոճը, թերևս այդպես ավելի շատ քաղաքական դիվիդենտներ կարելի է ստանալ, իսկ ինչ վերաբերվում է գյուղացիներին՝ նրանք արդեն վաղուց են մատնված բախտի քմահաճույքին…

Այս թեմայով Ատելի ղեկավարները վաղ թե ուշ շատ անփառունակ են հեռանում․ Անժելա Էլիբեգովա Փոփոխություններ են կատարվել արցախցիներին բնակապահովման պետական աջակցության ծրագրի ընթացակարգում Չորս մարզերին 318,8 մլն դրամ կհատկացվի. գերակշիռ մասն ուղղված է Լոռու և Տավուշի մարզերում աղետի վերացմանը Փաշինյանի կառավարությունը հերթական դպրոցն է փակում ՈւՂԻՂ. Կառավարության հերթական նիստը