Չենք եկել ինչ-որ մեկի քիթ ու մռութին նայելու. Բագրատյանը՝ իմքայլականին

ԱԺ ֆինանսավարկային և բյուջետային հանձնաժողովի նիստում ֆինանսական հաշտարարի համակարգի մասին օրենքում փոփոխությունների նախագծի քննարկման ժամանակ լարված իրավիճակ ստեղծվեց ընդդիմադիր ԲՀԿ-կան Սերգեյ Բագրատյանի ու «Իմ Քայլից» Արտակ Մանուկյանի միջև։ Բագրատյանին զայրացրեց իշխող խմբակցության ներկայացուցչի դեմքի արտահայտությունը. «Հանգի՛ստ, պարոն Մանուկյան, մենք չենք եկել այստեղ ինչ-որ մեկի քիթ ու մռութին նայելու, եկել ենք, որ քննարկում անենք։ Ու այդ քննարկումը պիտի լինի այնպես, ինչպես ուզում է պատգամավորը, ոչ թե` ինչպես ուզում է ինչ-որ մեկը»,- ասաց Բագրատյանը:

Ի պատասխան Մանուկյանը ժպիտով արձագանքեց՝ բացատրելով, որ իր դեմքի արտահայտությունը որևէ կապ չունի Բագրատյանի հետ, այն վերաբերում էր քննարկվող խնդրին։

Հիշեցնենք՝ Ֆինանսական հաշտարարի գրասենյակը ՀՀ-ում ստեղծվել է 2011թ.-ին՝ սպառողների իրավունքները ֆինանսական հարցերում, դատական պրոցեսից դուրս պաշտպանելու նպատակով։