Համաճարակաբանը բացահայտել է կորոնավիրուսային պանդեմիայի զարգացման վատագույն սցենարը

COVID-19 համաճարակի վատագույն ելքը կարող է լինել կորոնավիրուսային վարակի՝ սեզոնային հիվանդության վերածվելը: Այս մասին ria.ru֊ին հայտնել է վարակիչ հիվանդությունների ճապոնացի բժիշկ, համաճարակաբան Սաթո Ակիհիրոն:

Նա նշել է, որ հիվանդությունը ծայրահեղ վտանգավոր է տարեցների համար: Հենց այս մարդկանց շրջանում է գրանցվում մահացության ամենաբարձր ցուցանիշը․ 80-ից բարձր հիվանդների 16-17% -ը մահանում է: Բացի այդ, Իտալիայում կորոնավիրուսի հետ կապվող մահվան 98% -ը 60 տարեկանից բարձր մարդիկ են:

«Եվ եթե սա տեղի ունենա ամեն տարի, դա մեծ խնդիր կարող է լինել: Երիտասարդների համար դա այնքան էլ սարսափելի չէ, իսկ տարեց մարդկանց մոտ հիվանդությունը կապված է կյանքի համար վտանգի հետ»,- ասել է Ս.Ախիիրոն:

Ըստ նրա՝ թոշակառուների համար մարդաշատ վայրերում գտնվելու սահմանափակումը չի կարող ելք լինել իրավիճակից:

«Տարեցներին ես խորհուրդ կտամ հնարավորության դեպքում չայցելել լեփ-լեցուն վայրեր, իսկ փողոց դուրս գալ միայն անհրաժեշտության դեպքում, հնարավորության դեպքում նաև հրաժարվել հասարակական տրանսպորտից», - հավելել է բժիշկը։