«Ժողովուրդ». Վարդան Ղուկասյանը ՏԻՄ ընտրություններին չի մասնակցելու խիստ ուշագրավ պատճառով
Հայկական Մամուլ
Գյումրու քաղաքապետ Վարդան Ղուկասյանն առաջիկա ՏԻՄ ընտրություններին չի մասնակցելու խիստ ուշագրավ պատճառով, նա հոգնել է դավերից ու դավադրություններից: Այդ մասին «ժողովուրդ»-ի թղթակցին ասել է նրա մամուլի խոսնակ Լիլիթ Աղեկյանը:
Թե ովքեր են այդ դավերի ու դավադրությունների հեղինակները, Աղեկյանը չի կոնկրետացրել. «Այդ թվում՝ նաև լրատվական դաշտի որոշ ներկայացուցիչներ, որոնք 13 տարի շարունակ ընդամենը զբաղված են եղել սև PR-ով: Բոլոր նորմալ մարդիկ քաղաքապետի գործունեությունը, աշխատանքը գնահատել և գնահատում են լավ: Չէ՞ որ այդ աշխատանքի շնորհիվ Գյումրին վերածնվել է»:
Կարելի է ենթադրել, որ ըստ ՀՀԿ համամասնական ցուցակը եզրափակող Լ. Աղեկյանի՝ «նորմալ» մարդ չեն նաև Սերժ Աարգսյանն ու Հովիկ Աբրահամյանը, քանի որ հենց նրանք են արգելել Գյումրին «վերածնած» Վ. Ղուկասյանին առաջադրել իր թեկնածությունը՝ այդպես կանխելով նրա կողմից արվելիք մյուս «լավ» աշխատանքները»:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
