Ում և ինչ են նվիրաբերում ու օտարում պետական մարմինները
Վերլուծական
Հայաստանի կառավարությունը թեև որդեգրել է թափանցիկ գործելաոճ, սակայն պետք է փաստել, որ մի բան, ամեն դեպքում, հանրության ուշադրությունից վրիպում է: Դա այս կամ այն հասարակական կազմակերպություններին, հիմնադրամներին կատարած նվիրատվություններն են կամ հակառակը՝ նվիրատվություն ընդունելն է:
Օրինակ, 2019 թվականին որպես նվիրատվություն՝ Հայաստանի Հանրապետությունը «Ակադեմիկոս Ս. Ավդալբեկյանի անվան առողջապահության ազգային ինստիտուտ» փակ բաժնետիրական ընկերությունից ընդունել է 2001 թվականին թողարկված «Տոյոտա (Land Cruiser) 100 4,5i» մակնիշի, 001 LU 05 պետհամարանիշի, JTEHJ09J125036390 նույնականացման համարով, 14.990.000,0 դրամ սկզբնական արժեքով, 4.871.700,0 դրամ մնացորդային արժեքով ավտոմեքենան և այն ամրացրել Հայաստանի Հանրապետության առողջապահության նախարարության «Առողջապահական ծրագրերի իրականացման գրասենյակ» պետական հիմնարկին: Բացի այդ, Հայաստանի Հանրապետության առողջապահության նախարարության «Առողջապահական ծրագրերի իրականացման գրասենյակ» պետական հիմնարկի հաշվեկշռին ամրացված` 2014 թվականին թողարկված «Հունդայ Գրանդ Սանտա Ֆե» մակնիշի, 550 UU 55 պետհամարանիշի, KMHSN81EDEU060761 նույնականացման համարով, 20.500.000,0 դրամ սկզբնական արժեքով, 10.880.800,0 դրամ մնացորդային արժեքով ավտոմեքենան հետ է վերցրել և ամրացրել Հայաստանի Հանրապետության առողջապահության նախարարության հաշվեկշռին: Նույն տարի որպես նվիրատվություն ընդունվել են «Շտապբուժօգնություն» փակ բաժնետիրական ընկերությանը սեփականության իրավունքով պատկանող «Ֆորդ Տրանզիտ» մակնիշի շտապօգնության ռեանիմոբիլներ, շտապօգնության գծային մեքենաները և դրանց օժանդակ սարքավորումները:
Կառավարությունը նաև հավանություն է տվել Արմեն Տեր-Տաճատյանի կողմից ներկայացված՝ Երևանի Ծիծեռնակաբերդի խճուղու 33 հասցեի և դրան հարակից՝ 1.422214 հա (1.309391+0.112823) և 0.2605 հա հողամասերում տեխնոլոգիական հագեցվածության շենքային համալիրի կառուցման ներդրումային ծրագրին՝ տրամադրելով 0.2605 հա հողամասը՝ ուղղակի ձևով կառուցապատման իրավունքով՝ որպես պետություն-համայնք-մասնավոր համագործակցություն:
Բացի այդ, կառավարությունը որոշում էր կայացրել Բարձր տեխնոլոգիական արդյունաբերության նախարարության հաշվեկշռում գտնվող՝ 2004 թվականին թողարկված, 13,493,025.00 դրամ սկզբնական արժեքով և 250000 դրամ հաշվեկշռային արժեքով, «NISSAN URVAN» մակնիշի, 322LL60 պետհամարանիշի (նույնացման համար` JN6GE54S54X405418) և 2004 թվականին թողարկված, 6,373,793.00 դրամ սկզբնական արժեքով և 250000 դրամ հաշվեկշռային արժեքով, «NISSAN URVAN» մակնիշի, 321LL60 պետհամարանիշի (նույնացման համար` JN6GE54S24X405442) տրանսպորտային միջոցները Հայաստանի Հանրապետության օրենսդրությամբ սահմանված կարգով հետ վերցնել Հայաստանի Հանրապետության բարձր տեխնոլոգիական արդյունաբերության նախարարությունից և նվիրաբերել Հայաստանի հեռուստատեսային և ռադիոհաղորդիչ ցանց փակ բաժնետիրական ընկերությանը:
Կառավարության մեկ այլ որոշմամբ՝ Տարածքային կառավարման և ենթակառուցվածքների նախարարության Պետական գույքի կառավարման կոմիտեին ամրացված 15 000 000 դրամ սկզբնական և 5 460 000 դրամ հաշվեկշռային արժեքով, «Տոյոտա Քեմրի» (TOYOTA CAMRY 2.5 GAS) մակնիշի, 014 LL 55 պետհամարանիշի (թողարկման տարեթիվը՝ 2013 թվական, նույնացման համարը՝ JTNBFYFK203026141) տրանսպորտային միջոցը անհատույց օգտագործման իրավունքով ամրացվել է «Կ. Դեմիրճյանի անվան մարզահամերգային համալիր» պետական ոչ առևտրային կազմակերպությանը։
Մեկ այլ որոշմամբ՝ կառավարությունը Հայաստանի Հանրապետության Կրթության, գիտության, մշակույթի և սպորտի նախարարությանն ամրացված 3320000 ՀՀ դրամ համախառն հաշվեկշռային արժեքով, 400423 ՀՀ դրամ կուտակված մաշվածությամբ, 2919577 ՀՀ դրամ հաշվեկշռային արժեքով գույքը (հիմնական միջոցներ)` համաձայն N 1 հավելվածի, անժամկետ, անհատույց օգտագործման իրավունքով հանձնել է ՀՀ Կրթության, գիտության, մշակույթի և սպորտի նախարարության ենթակայության «Հայաստանի էստրադային ջազ-նվագախումբ» պետական ոչ առևտրային կազմակերպությանը:
Կառավարությունից հետ չեն մնում նաև համայնքները: Մասնավորապես, նախորդ տարի Վանաձոր քաղաքի ավագանին որոշել էր Վանաձոր քաղաքի Գր. Լուսավորչի փողոցի թիվ 49-41/1 հասցեում գտնվող Համլետ Վահանի Մալումյանին կառուցապատման իրավունքով պատկանող, համաձայն Վանաձոր քաղաքի գլխավոր հատակագծի լրամշակման նախագծի՝ ՀՀ հողային օրենսգրքի 60-րդ հոդվածով սահմանված հողամասերի թվին չդասվող 20.0քմ մակերեսով հողամասը հողի կադաստրային արժեքով՝ 90480 (իննսուն հազար չորս հարյուր ութսուն) դրամով և դրա վրա գտնվող 18.24քմ մակերեսով տաղավարը՝ համաձայն «Արմեն Ամիրբեկյան» ԱՁ-ի կողմից տրված հաշվետվության, 839000 (ութ հարյուր երեսունինը հազար) դրամով, ուղղակի վաճառքի ձևով օտարել Համլետ Վահանի Մալումյանին:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
