Սիրիային ժամանակավորապես կհանեն Իսլամական համագործակցության կազմակերպությունից

Սաուդյան Արաբիայում տեղի ունեցած Իսլամական համագործակցության կազմակերպության վերջնական քննարկման արդյուքնում արված հայտարության մեջ ասվում է, որ Սիրիայի անդամակցությունը ժամանակավորապես կդադարեցվի։ France-Presse-ը նշում է, որ նման որոշումը կհանգեցի Սիրիայի առավել մեկուսացմանը։ Տեղեկությունների համաձայն՝ Սիրիայում իշխանական բանակը ուժեղացնում է ապստամբների նկատմամբ ճնշումը։

Հորդանան փախած Սիրիայի նախկին վարչապետ Ռիյադ Հիջաբը հայտարարել է, որ Ասադի ռեժիմի տիրապետության տակ է երկրի տարածքի 30 տոկոսը և նախագահի իշխանության անկումն անխուսափելի է։

Երկուշաբթի օրը Վաշինգտոնում ելույթ ունենալիս ԱՄՆ-ի պաշտպանության նախարարը ակնարկել է, որ Պենտագոնը լուրջ չի վերաբերվում Սիրիայում թռիչքներից ազատ տարածք ստեղծելու հնարավորությանը։