Իսայելը պատրաստ է պատերազմել Իրանի դեմ. Մատան Վիլնայի

Իսրայելի քաղաքացիական պաշտպանության նախարար Մատան Վիլնային հայտարարել է, որ Իրանի դեմ հավանական պատերազմը կտևի մոտ մեկ ամիս, որի արդյունքում կզոհվի մոտավորապես 500 մարդ, հայտնում է Reuters-ը։

Նրա խոքսով՝  դա չպետք է դառնա խուճապի պատճառ, քանի որ Իսրայելի քաղաքացիական պաշտպանությունը հիմա ավելի լավ, քան երբևէ, պատրաստ է գործողությունների ծավալմանը։ Վիլնային հրաժարվել է պատասխանել այն հարցին, թե արդյոք իսրայելական կողմը կհարվածի իրանական միջուկային օբյեկտներին։ «Պետք չէ ինձ ներքաշել այդ ամենի մեջ»,- ասել է Վիլնային՝  հավելելով, որ Իսրայելը անպայման հաշվի է առնելու ԱՄՆ-ի կարծիքը։

Նշենք, որ ամերիկյան կառավարությունը դեռևս չի պատրաստվում հարձակվել Իրանի վրա՝ խուսափելով կոնֆլիկտի տարածումից ու տնտեսական անկանխատեսելի հետևանքներից։