Հուշատախտակ Վահագն Դավթյանի հիշատակին

Այսօր լրանում է անվանի բանաստեղծ Վահագն Դավթյանի ծննդյան 90-ամյակը: Նրա մահից 16 տարի անց բանաստեղծի ապրած տանը՝ Նաիրի Զարյան 80 հասցեում, բացվեց այդ մասին իրազեկող հուշատախտակ:

Հուշատախտակը բացվեց Երևանի քաղաքապետ Տարոն Մարգարյանի նախաձեռնությամբ: Բացման հանդիսավոր արարողությանը մասնակցել են ՀՀ ԱԺ փոխնախագահ Հերմինե Նաղդալյանը, Արաբկիր վարչական շրջանի ղեկավար Հրայր Անտոնյանը, մտավորականներ, հասարակական ու քաղաքական գործիչներ, ինչպես նաև` բանաստեղծի ստեղծած արվեստը գնահատող քաղաքացիներ:

Բացման արարողության ընթացքում ելույթ ունեցավ գրողների միության նախագահ Լևոն Անանյանը, ով  շնորհավորեց ու շնորհակալություն հայտնեց նախաձեռնության համար:

Վահագն Դավթյանը գործերից են «Առաջին սեր», «Աշխարհի առավոտը»  բանաստեղծությունների հավաքածուները, որտեղ  արտահայտված են Մեծ Հայրենական Պատերազմի մասնակցի հայրենասիրական զգացմունքները, սերը հարազատ հողի, բնության նկատմամբ:

Ինչպես նաև «Ճանապարհ սրտի միջով», «Լուսաբացը լեռներում», «Ամառային ամպրոպ», «Գինու երգը» , «Թոնդրիկցիներ» պատմական վեպը` նվիրված միջնադարյան Հայաստանի պատմական իրադարձություններին:

Դավթյանի երկերում ընդգծվում են սերը, հողի և աշխատանքի պոեզիան,բնությունը,պատմության առավել դրամատիկ դրվագները ,ասքերը: