Կպատժվեն այն տնտեսվարողներն, ովքեր աշխատակիցներին չեն ապահովել ձեռնոցներով և դիմակներով. ՍԱՏՄ ղեկավար
Տնտեսություն
«Սննդամթերքից կորոնավիրուսով վարակվել հնարավոր չէ»,- այս մասին ասաց Սննդամթերքի անվտանգության տեսչական մարմնի ղեկավար Գեորգի Ավետիսյանը:
«Չնայած չկա կա որևէ հստակ իրավակարգավորում, որով հացը պետք է պարտադիր լինի փաթեթավորված, ամեն դեպքում այս օրերին շատ տնտեսվարողներ սկսել են հացը փաթեթավորված վիճակում առաքել խանութներ»:
ՍԱՏՄ ղեկավարի խոսքով՝ խանութներում էլ տարբեր միջոցներ են ձեռնարկվել, որ հացը ինչ-որ կերպ ծածկեն կամ փաթեթավորեն, դրանով զերծ վարակից:
«Կան տնտեսվարողներ, որոնք մեր ցուցումների լրջությունը դեռ չեն հասկացել: Նրանք անպայման կպատժվեն, առաջին դեպքին, կարծում եմ, այսօր ականատես կլինենք: Այսօր կպատժվի մի տնտեսվարող, ով իր աշխատակիցներին չի ապահովել ձեռնոցներով և դիմակներով»:
Ավետիսյանն ասաց, որ սահմանված պատժաչափերին շուտով կծանոթանանք, դրանք սահմանվել են պարետի կողմից:
Անդրադառնալով բացօթյա շուկաներին, որոնք գործում են նույն ռիթմով, ինչ նախկինում, նա նշեց, որ դրանց աշխատանքը չի արգելվել պարետի կողմից:
«Մենք շեշտը դնում ենք այդ տարածքների ախտահանման և վաճառողների անձնական հիգենայի պահպանման վրա, մեր ուժերի չափով հսկում ենք, որ պատշաճ կերպով կատարվեն պարետի ցուցումները»:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
