Վիկտոր Բատուրինի դեմ երկրորդ քրեական գործն է հարուցվել

Մոսկվայի քննչական վարչությունը երկրորդ քրեական գործն է հարուցել Վիկտոր Բատուրինի դեմ՝ հարկային պարտավորություններից խուսափելու, հարկեր չվճարելու, 2007 թ.–ին հարկային մարմիններին կեղծ փաստաթղթեր ներկայացնելու համար։

Ընդհանուր առմամբ՝ այդ քրեական գործով պետությանը հասցված վնասը կազմել է 178,4 մլն ռուբլի։ Հաղորդում է «Ինտերֆաքս» լրատվական գործակալությունը։

Հիշեցնենք, որ երկուշաբթի օրը Վիկտոր Բատուրինը ձերբակալվել էր՝ կեղծ դրամանիշեր վաճառելու և փողերի լվացման փորձ իրականացնելու մեղադրանքով։