Կարանտինային մարքեթինգը Հայաստանում. կորոնան և հայկական բրենդները

«Թե ինչպես են հայկական բրենդերն օգտագործում պանդեմիայի հայփը իրենց հաճախորդների կարանտինը թեթևացնելու համար»։ Եթե այս հոդվածը կարդում ես տանից և քեզ հեռու ես պահում մարդաշատ վայրերից, ուրեմն դու ունես բարձր սոցիալական պատասխանատվության զգացում… Կամ հենց հիմա գտվնում ես այս վիճակում և ուղղակի ալարում ես տանից դուրս գալ։ Ամեն դեպքում մեկուսացումը կյանքեր է փրկում։ Ապրե՜ս դու…

COVID 19-ն աշխարհն ընկղմեց նոր սահմանափակումների մեջ՝ աշխատանք տնից, չեղյալ հայտարարված համերգներ, փակ սահմաններ, զուգարանի թղթի անհասկանալի պահանջարկ։ Բայց հայկական բիզնեսները չեն հուսահատվում և փորձում են կապիտալացնել ստեղծված իրավիճակը:

#Keepdistance challenge

Բազում հայկական բրենդեր, հետևելով համաշխարհային շուկայի թրենդերին, ցանկացան ցույց տալ իրենց նվիրումը սոցիալական հեռավորության պահպանմանը` մասնակցելով #Keepdistance (թարգմանաբար պահպանի՛ր հեռավորություն) չելլենջին։ Կրեատիվ մոտեցում է, այնպես չէ՞։

 Այս ընթացքում տարբեր ոլորտների ներկայացուցիչներն ամեն կերպ փորձում են իրենց ներդրումն ունենալ Հայաստանում ճգնաժամային իրավիճակը մեղմելու համար։ Հեռահաղորդակցության ոլորտում աչքի ընկան UCOM-ն ու VIVA-MTS -ը։

 UCOM

UCOM-ը հորդորում է մնալ տանը և տրամադրում է անվճար ալիքներ երեխաների համար։ «Այսօր մեր հայրենակիցների մեծ մասը աշխատում է առցանց, առանց տանից դուրս գալու: Մեր ընկերությունը պատրաստակամորեն ապահովում է յուրաքանչյուր բաժանորդի կապն արտաքին աշխարհի, բոլոր գործընկերների և մտերիմների հետ։ Կարևորելով կրթությունը և որակյալ բովանդակությունը՝ Ucom-ն առաջարկում է ազատ ժամանակ ունենալու դեպքում դիտել միայն որակյալ ֆիլմեր, մանկական և ուսուցողական ալիքներ», - նշված է Ucom ընկերության պաշտոնական կայքում։ Մինչև ապրիլի 30-ը մանկական թեմատիկ փաթեթներում ներառված բոլոր ալիքները հասանելի կլինեն առանց հավելյալ վճարի: Մանրամասներն՝ այստեղ

VIVA-MTS-ը հնարավորություն է ընձեռում իր բաժանորդներին անհրաժեշտության դեպքում անվճար զանգահարել Առողջապահության նախարարության թեժ գծերին՝ 8003 կամ 060838300: 

MBG HOSPITALITY

Ռեստորանային բիզնեսի ոլորտը նույնպես հետ չի մնում։ Ճգնաժամի ընթացքում շատ ռեստորաններ առաջարկում են անվճար առաքում։ Ստուգիր քո սիրած ռեստորանի ֆեյսբուքյան էջը, գուցե նրանք քեզ համար անակնկալ ունենան։

Ավելին, Margaryan Business Group-ը առաջին անհրաժեշտության ապրանքների փաթեթներ կառաքի COVID-19-ի նկատմամբ առավել զգայուն մարդկանց՝ մասնավորապես միայնակ տարեցներին։ MBG-ն կոչ է անում բոլոր ընկերություններին և անհատներին միանալ իրենց նախաձեռնությանը՝ միասին հաղթահարելու ստեղծված ճգնաժամային իրավիճակը։

 AMERIABANK & EVOCABANK

Բանկային ոլորտն իր հերթին փորձում է թեթևացնել մեկուսացած հաճախորդների հոգսը։ Ամերիաբանկն ուղարկում է իր հաճախորդներին վարկային արձակուրդի իսկ Evocabank-ը 10,000,000 դրամ է փոխանցում կորոնավիրուսային հիվանդության կանխարգելման և հաղթահարմանն ուղղված միջոցառումներին։

Հիմա, երբ շատերս ազատ ժամանակ ունենք, բոլորի գլխում այն ավելի արդյունավետ անցկացնելու միտքն է։ Իսկ ի՞նչ կարելի է անել։ Նոր լեզու, ձիրք սովորել, անցնել օնլայն կուրսեր, բլոգ վարել, օգտվել Netflix-ի անվճար բաժանորդագրության փաթեթից կամ գտնել նոր հոբբի։ 

Philip Morris Հայաստան

Ֆիլիպ Մորրիս Հայաստանը կազմակերպում է «Կորոնամարքեթինգ․ Թրենդի և էթիկայի մարտահրավերը բրենդերին» անվճար գործնական վեբինար։ Վեբինարն անցկացնելու է Ֆիլիպ Մորրիս Հայաստանի Մարքեթինգի ղեկավար Լիլիթ Մաթևոսյանը։ Վեբինարի բուն նպատակն է երկխոսություն սկսել ժամանակակից սպառողների կարիքների և բրենդերի թրենդամետ գործունեության մասին, ինչպես նաև հիշեցնել հաճախորդամետ լինելու կարևորությունը, ցույց տալ, որ այս անորոշ ժամանակաշրջանում բրենդը իր սպառողի կողքին է և հոգ է տանում նրա մասին։

Օրինակ՝ Ֆիլիպ Մորրիսը, հոգ տանելով իր չափահաս սպառողների մասին, նախկին 7 օրվա փոխարեն տրամադրում է ծխախոտի տաքացման համակարգի սարքը մինչև կարանտինի ավարտը ծխելու համեմատ ավելի լավ այլընտրանքի անցնել ցանկացողներին, և նրանք ստիպված չեն լինի կարանտինի ընթացքում լրացուցիչ անգամ դուրս գալ տանից կամ շփում ունենալ մասնագետի հետ։