Էկվադորի իշխանությունները քաղաքական ապաստան կտան Ջուլիան Ասանժին

Էկվադորի իշխանությունները համաձայնել են քաղաքական ապաստան տալ WikiLeaks-ի խմբագիր Ջուլիան Ասանժին, այս մասին հայտնում է Associated Press-ը։ Երկրի իշխանությունների որոշման մասին մամլո ասուլիսին  հայտնել է  Էկվադորի Արտաքին գործերի նախարար Ռիկարդո Պատինյոն (Ricardo Patino)։

Հիշեցնենք, որ 2012 թվականի հունիսին Ասանժը Էկվադորից քաղաքական ապաստան էր խնդրել այն բանից հետո, երբ բրիտանական դատարանը համաձայնել է նրան հանձնել Շվեդիային, որտեղ նրա դեմ հարուցվել է դատական գործ բռնաբարության մեղադրանքով։