ՀԱՀ–ում ոստիկանությունը կրակ է բացել ցուցարարների վրա

Հարավաֆրիկյան Հանրապետությունում ոստիկանությունը կրակ է բացել մի քանի հազար ցուցարար–հանքափորներից կազմված ամբոխի ուղղությամբ, որոնք աշխատավարձի բարձրացում են պահանջել։ Այս մասին հայտնում է BBC–ն։

Որոշ տեղեկությունների համաձայն՝ Յոհանեսբուրգ քաղաքի հյուսիս–արևմուտքում գտնվող Լոնմին հանքավայրի տարածքում 18 սպանված մարդու դի կա։

Ականատեսի վկայությամբ՝ ոստիկանությունը սկզբում փորձել է ցուցարարներին ցրել արցունքաբեր գազի միջոցով։ Սակայն այնուհետև ստիպված են եղել կրակ բացել նրանց ուղղությամբ։

Նշենք նաև, որ 10 մարդ, այդ թվում՝ 2 ոստիկան, է զոհվել արդեն մեկ շաբաթ ընթացող ընդհարումների հետևանքով։